Dokumentaria filmo pri Zamenhof suspendigita

Afiŝita je de
Respondi

zamenhof_familio

Imagu Filmoj, la produktista firmao malantaŭ biografian filmon pri la vivo de Zamenhof, suspendis la produktadon de la dokumentario.

“La projekto ne estas entute nuligita,” diris Joe Bazilio, prezidanto de Imagu, pere de Skype-intervjuo. “Sed restas financaj malfacilaĵoj kiujn bezonas esti solvitaj unue. Ni nur interesiĝas pri altkvalitaj, profesiaj rezultoj, ne hejmfaritaj videoj.”

Dum la entrepreno daŭre serĉas subtenantajn partnerojn, pluraj proponoj alvenis por malgrandigi la necesan buĝeton. Unu el ili konsistis en uzi kameraon kiel Canon 5D Mark III aŭ Nikon D7000, anstataŭ proprajn kinajn filmilojn. “Per relative simpla softvaraj agordoj, tiuj ekipaĵoj permesus al ni kapti eksterordinare belajn bildojn je nur frakcio de la tipaj kostoj en la kinarta industrio”, aldonis la direktoro.

Ĉar la teamo celis debuti la dokumentarion kadre de Universala Kongreso de Esperanto 2013, ne plu restus sufiĉe da tempo por efektive realigi la filmon ĉisemestre. Pro tio, la skipo suspendas la projekton sendifine.

Filmado de “La Vivo de Zamenhof” prokrastita ĝis 2013

Afiŝita je de
2

Registrado de venonta filmo “La Vivo de Zamenhof” estis prokrastita ĝis sekva jaro pro kalendaraj kaj buĝetaj kialoj.

Produktisto Roĝer Borĝes antaŭe insistis, ke la biografia dokumentario – realigota dum pluraj monatoj inter Ameriko kaj Eŭropo – komencus esti filmita tiun ĉi jaron sed financaj kaj tempopremaj malfacilaĵoj puŝis la filmadon reen al 2013.

La direktoro de Imagu Filmoj, Joe Bazilio, diris: “Ni ankoraŭ laboras pri skripto, kaj esperas kompletigi ĝin baldaŭ. Sed jam evidentiĝas, ke sep semajnoj ne estos sufiĉa tempo por prepari filmon kiel tiu ĉi.”

La plano estis originale elpensita tiel, ke filmado komencus ĉimonate en Hispanio. Sed la teamo ne sukcesis asekuri la tutan bezonatan buĝeton por efektivigi la laboron profesie.

Subtenantoj de la filmstudio kolektis promesojn je ĉirkaŭ 30.000 € por financi la projekton, dum la filmistoj volis arigi inter 50 ĝis 60 mil por realigi la filmon, kiun ili imagis. Plej granda parto de tiu monsumo dediĉiĝos al aĉetado de profesiaj ekipaĵoj kaj lensoj. Parolante pri la filmo antaŭe, Bazilio diris: “Mi vidas ĝin kiel komuna realigo de la Esperantistaro al la tuta mondo. Zamenhof aŭtoris ilon por ke homoj forĵetu la murojn inter la popoloj, sed ne estis facila vojo. Jen lia historio.”

Subtenu la filmon pri KEF!

Afiŝita je de
Respondi

Nia kara kolego kaj redaktoro de Kontakto sinjoro Rogener Pavinski pretas realigi filmon pri Kultura Esperanto Festivalo (KEF) el 2005. Li filmis pli ol 10 horojn kaj volas munti la plej bonajn partojn en DVD-a kaj interreta formoj.

Tiu eldono de KEF estis tre profesie organizita kaj la programo enhavis multajn muzikistojn, verkistojn kaj aktorojn. Okazis, interalie, unika prezento de “La Porkoj” kun Alejandro Cosavella kaj unu el la lastaj koncertoj de Esperanto-Desperado kun Amir Hadziahmetovic en la grupo.

Por helpi, simple vizitu la paĝon de la projekto ĉe popolinvesta retejo Indiegogo: La PlejPleja Festivalo.

Imagu Filmoj planas filmi dokumentarion pri Zamenhof

Afiŝita je de
1

Jam de kelkaj monatoj ni ekpensas filmi biografian dokumentarion pri la vivo de Zamenhof. Ni volas fari tre profesian filmon, uzante la plej moderna teknologio, por atingi tre altkvalitan rezulton. Inter aliaj inspiro-fontoj, ni ŝatas la laboron de Ken Burns, ekzemple je lia 2004-a filmo “Thomas Jefferson“, dokumentario kiu daŭre estas inter la plej venditaj filmoj de Amazon.

Por fari tion, ni bezonos aĉeti novajn filmilojn, interalie multekostan 35-mm filmilon de SONY, kaj vojaĝi dum du monatoj tra Eŭropo, al ĉiuj lokoj kiuj rilatas al la vivo de nia majstro. Ni ŝoforos pli ol 4.000 km aŭte, tra 9 landoj, kaj poste muntos la finan filmon en Barcelono, Hispanio. La projekto estas tute malferma nun kaj vi povas legi la detalojn de niaj planoj je la paĝo pri “La Vivo de Zamenfof“.

Kion vi opinias? Ĉu indas realigi tiun ĉi projekton? Ĉu ni faru ĝin en Esperanto, en la Pola, kun subtitoloj…? Ni atendos viajn konsilojn en la komentejo, dankon!